ဒေမီယံ စီးရီး

. .... ...ဒေမီယံ.(၁).........
ငါနေတဲ့အိမ်ကလေးဟာသိပ်ဝေးခေါင်တယ်ဒေမီယံ
မြို့လေးရဲ့အစွန်းမှာရှိတယ်
ငါ့မိတ်ဆွေတွေဟာ
ဘယ်တုန်းကမှချမ်းသာတဲ့လူတွေမဟုတ်ခဲ့ဘူး
တစ်နေကုန်အလုပ်လုပ်မှ
ထမင်းနပ်မှန်အောင်စားကြရသူတွေပါလေ

ပေါင်မုန့်ထောပတ်နဲ့
အသားချောင်းတွေငါဝယ်ခဲ့တယ်ဒေမီယံ
.ငါ့မိတ်ဆွေတွေအတွက်
ချောင်းဆိုးလိုက်တိုင်းအမြဲသွေးပါနေတက်တဲ့
ညီမလေးအတွက်
အလှမွေးငါးကန်ဝယ်ပေးခဲ့တယ်။

ပြောခဲ့ဖူးတယ်မဟုတ်လား
ငါဟာသိုးမဲတစ်ကောင်ဆိုတာ
ဆပ်ပြာနဲ့ပြောင်အောင်လျှော်တောင်
ဖြူမလာတဲ့သိုးမဲဆိုတာ
တလွဲတချော်ကောင်..ဆိုတာ
အခုလည်းငါထပ်မှားပြန်ပြီလေ
အရိုးခေါင်းဆံထိုးနဲ့အဘွားအိုဆီမှာ
ငါ့စိတ်ဝိညာဉ်ကိုပေါင်နှံခဲ့တယ်ဒေမီယံ
အချို့သောအသက်တွေနဲ့
ဝက်အူချောင်းတွေအတွက်..။

.

.... .. ..... ဒေမီယံ.(၂).........
အဘွားအိုခိုင်းသမျှ
စိတ်ဝိညာဉ်ဟာအလုပ်လုပ်နေရတယ်ဒေမီယံ
စိုက်ခင်းစိုက်ရရေလောင်းပေါင်းသင်ရ
မုန်လာဥတွေတူးစွရ
စိုက်ခင်းထဲဝင်လာတဲ့ယုန်တွေ
ခေါင်းဖြတ်ပေးရတယ်.ဒေ.မီယံ
ခြေထောက်တွေဖြတ်ရအခြောက်လှမ်းပေးရတယ်
လူတွေသဘောကျတဲ့ကံကောင်းစေတဲ့အဆောင်တဲ့
ကံကောင်းစေဖို့အဆောင်ပါတဲ့..ဒေမီယံ
ဘယ်လောက်များကံဆိုးလိုက်ပါသလဲ
ယုန်တွေမှာသူတို့အတွက်နဲ့
တစ်သက်တာကံဆိုးမိုးမှောင်ကျရတယ်။

.

ဒေမီယံ(၃)
ငါ့စိတ်ဝိညာဉ်ဟာအကျဉ်းကျနေရတယ်ဒေမီယံ
ငါမပျော်ဘူးဒေမီယံငါတကယ်မပျော်ဘူး။
မပျော်ဘူးဆိုတာထက်
ပျော်တယ်ဆိုတာကိုမခံစားတက်တော့တာမျိုး

ငါ့စ်ိတ်ဝိညာဉ်ဟာနာဖျားနေတယ်ဒေမီယံ
အထဲမှာအုန်းရည်မရှိတော့တဲ့
အုန်းသီးတစ်လုံးလိုအခွံလွတ်လို
အမြဲခံစားရတက်တယ်။
ခံစားချက်တွေဖြည့်တယ်
ပျော်စရာလေးတွေဖြည့်တယ်။
ဝမ်းနည်းစရာတွေဖြည့်စွက်တယ်
ဒရမ်မာတွေလည်းဖြည့်ကြည့်တယ်။
အခွံလွတ်ဟာအခွံလွတ်ပဲဒေမီယံ
ဘယ်တုန်းကမှမပြည့်ဝခဲ့ဘူး။
ခံစားချက်လေးတွေအစီအရီထည့်လို့
ငါပင်လယ်ထဲမျောပစ်ခဲ့တယ်ဒေမီယံ
တစ်​စုံတစ်​ယောက်ဟာတစ်ချိန်မှာ
အခွံလွတ်ကမ္ဘာထဲကငါ့ကိုဆွဲခေါ်သွားပါဆိုတဲ့
မျော်လင့်ချက်ကလေးနဲ့..။

.

ဒေမီယံ (၄)
တစ်ချိန်တည်းမှာငိုပြီး
တစ်ချိန်တည်းမှာပဲငါရယ်နေတက်ပြီဒေမီယံ
ယုတ္တိဗေဒဆန်တဲ့အတွေးတွေ
ငါ့မှာမရှိတော့ဘူး
မရှိခဲ့တာလည်းကြာခဲ့ပြီ..ဒေမီယံရဲ့ ကြာခဲ့ပါပြီ
တစ်နေ့နေ့ငါမှာမေ့လျှော့နေခဲ့ခြင်းတွေ
အဘွားအိုဟာနင်ဖြစ်ပြီး
နင်ကလည်းအဘွားအိုဆိုတာမေ့နေခဲ့တာ
ငါ့ရဲ့ချစ်လှစွာသောစုန်းမလေး
ချစ်လှစွာသောမြွေစိမ်းမှီးခြောက်မ
ချစ်လှစွာသောရယ်ပန်ဇယ်မ
ဒေမီယံဆိုတဲ့ မိန်းကလေး..
သိပ်တော့လည်းမကွာလှဘူးရယ်။

.

................ဒေမီယံ (၅)............

ဇာတ်သိမ်းခန်းကသိပ်ကိုလှတယ်...ဒေမီယံ
တစ်ချိန်ကတို့အတူဆိုခဲ့တဲ့သီချင်းနဲ့အဆုံးသတ်တယ်။
"ရင်မှာတစ်ယောက်တည်းချစ်ခဲ့ဖူးပါသည်🎵
မင်းကလွဲ၍🎵ဘယ်သူ့မှကိုယ်မချစ်ပြီ🎵"
ဦးလွှမ်းမိုးသီချင်းစာသားဟာ
ခုတော့မင်းအမျိုးသားရဲ့နှုတ်ဖျားမှာ
မင်းကလည်းသူ့ပခုံးပေါ်မေးတင်လို့
ကြည်နူးစရာကောင်းလိုက်တာ..ဒေမီယံ
သိပ်ကြည်နူးဖို့ကောင်းတာပဲ
ငါ့မှာ
ပေါ်လီယာနာကစားနည်းကစားဖို့တောင်မေ့လို့..
မျက်ရည်ဆက်လက်ကျပါရဲ့

့နှုတ်ဆက်လက်ဆောင်ထင်ရဲ့
ငါ့စိတ်ဝိညာဉ်လေးနင့်ဆီကပြန်ရခဲ့တယ်
ကတ္ထီပါဘူးလှလှထဲ
နင်တယုတယထည့်ထားခဲ့ပုံပဲ
မပျက်မစီးပဲရှိနေတယ်
အမှတ်တရလေးတွေတွေ့တယ်
ဒီပရက်ရှင်အငွေ့တန်းလေးတွေလည်းတွေ့တယ်
စိတ်ဝိညာဉ်ဟာငါ့ကိုယ်ထဲရောက်လာခဲ့ပြီ
ဝမ်းနည်းဖို့ကောင်းတဲ့အချက်က
အခွံလွတ်ဖြစ်မြဲအတိုင်းဖြစ်နေခြင်းပဲ.
စိတ်ဝိညာဉ်ဟာပြန်ရှင်မလာတော့ဘူး.ဒေမီယံ
စိတ်ဝိညာဉ်သေဆုံးခဲ့ပြီ
စုန်းမတစ်ယောက်ရဲ့သချိင်္ုင်းမြေထဲ
ငါ့စိတ်ဝိညာဉ်ဟာသေဆုံးခဲ့ရပြီ..။

ဒိုဒို